مه‌سرور بارزانی، سه‌رۆكێ حكومه‌تا هه‌رێما كوردستانێ، بانگهێشتنامه‌‌كا فه‌رمی ئاراسته‌ی شێخێ ئه‌زهه‌ر كرییه بۆ هندێ سه‌ره‌دانا هه‌رێما كوردستانێ بكه‌ت.
ل دووڤ راگه‌هاندنه‌كا وه‌زاره‌تا ئه‌وقافێ، د كڤانێ سەره‌دانا وان دا بۆ مسرێ، پشتیوان سادق، وه‌زیرێ ئه‌وقاف و كاروبارێن ئایینی ل حكومه‌تا هه‌رێما كوردستانێ، شێخێ ئەزھەر د. ئه‌حمه‌د ته‌یب دیتییه و بانگھێشتنامەكا فەرمی یا مەسرور بارزانی سەرۆکێ حکومەتا کوردستانێ گەهاندییێ، داكو ب فه‌رمی سه‌ره‌دانا هه‌رێما كوردستانێ بكه‌ت.
ئه‌و ژى گۆتییه، ل گه‌ل وێ بانگهێشتنامێ، وه‌زیرێ ئه‌وقافێ، رێز و پێزانینێن سەرکردایەتییا ھەرێما کوردستانێ و مامۆستایێن ئایینی یێن كوردستانێ بۆ رۆلێ میانره‌وێ ئەزھەر د گەهاندنا پەیاما پیرۆزا ئیسلامێ دا گه‌هاندییه شێخێ ئه‌زهه‌ر.
هه‌روه‌سا گوتۆبێژ ده‌ربارەی قوتابیێن ھەرێما کوردستانێ کرییه، ل زانکۆ و ناڤەندێن خواندنێ ل ئەزھەر، د به‌رامبه‌ر دا شێخێ ئەزھەر به‌حسێ رۆلێ زانایان و ره‌وشه‌نبیرێن کوردی کرییه د خزمەتا ئایینى و موسولمانان دا، ھەرێما کوردستانێ ب جهه‌كی ئارام و لاندكا پێکڤەژیانێ وەسف کر، خۆشحالییا خوه ژى بانگھێشتنامەیا سەرۆک وەزیرێن ھەرێما کوردستانێ ژى نیشاندا.
