نازم محەمەد عەلی، ڕێڤەبەرێ رێڤەبەرییا دەخل و دانی ل پاڕێزگەها دهۆکێ تایبەت بۆ خانی نیوز راگەهاند، ئەو 85 ملیار دینارێن کو حکومەتا عیراقێ رەزامەندی ل سەر خەرجکرنا وی دای، دوهی گەهشتنە بانکا داسنیا و دێ ل دەمەکێ نزیک ب سەر جۆتیاران دا هێتە بەلاڤکرن.
نازم محەمەد عەلی گۆتژی، 85 ملیار و 345 ملیۆن دینار ژ پاره‌یێ شایسته‌یێن جۆتیارێن پارێزگه‌ها دهۆكێ یێن سالێن 2014 و 2015 و 2016 گه‌هشتنه بانكا داسنیا ل دهۆكێ و دێ هێنە رەوانەکرن بۆ بانکێن دەڤەرێن سەر ب پاڕێزگەها دهۆکێ ڤە.
ناڤبری گۆتژی، ئەوان ڕێژەیێن لێبرینێ یێن ڤان سالان فرێکرینە بۆ بەغدا و هەردەما ئەو ڕێژە زڤرین ئەو دێ ل دەمەکێ نێزیک ڤی پارەی ب سەر جۆتیاران دابەشکەن.
ل داویێ ژی گۆت، ب وەرگرتنا ئەڤی ڕێژا پارەی هێشتا پارەیێ جۆتیارێن دهۆکێ ل دەف بەغدا مایە و ئەو ڕێژا مای ژی نزیکی 92 ملیار دینارانە.
