سه‌رۆك مه‌سعود بارزانى پێشوازی ل بالیۆزی ژاپۆنێ ل ئیراقێ كر، د وێ دیدارێدا بالیۆزێ ژاپۆنێ ل ئێراقێ سەرسامییا خوه ب سەقامگیری و پێشكەفتنێن هەرێما كوردستانێ دەربری.
ئه‌ڤرۆ سێشه‌مبى، 16-3-2021 ل سەلاحەدین، سەرۆك بارزانی پێشوازی ل سۆزۆكی كۆتارۆ، بالیۆزێ ژاپۆنێ ل ئێراقێ كر، د وێ دیدارێ دا بالیۆزێ ژاپۆنێ ل ئێراق سەرسامییا خوه ب سەقامگیری و پێشكەڤتنێن هەرێما كوردستانێ دەربرین و ئاماژە ب هندێ دا، كو ئەو سەقامگیرییا ل هەرێما كوردستانێ هه‌ى، یا هاریكاره بۆ هندێ كو رێكخراو و كۆمپانیێن ژاپۆنی بشێن ب باشی و بێ گیروگرفت ل كوردستانێ كار و چالاكییان ئەنجام بدەن. هەروەسا گۆت: وه‌لاتى وى حه‌ز دكه‌ت پەیوەندییان ل گەل هەرێما كوردستانێ د وارێن جۆدا دا ب تایبەت د وارێ چاندنێ و كارەبێ دا پەرەیێ پێ بده‌ت.
سەرۆك بارزانی سوپاسییا گەل و حكومەتا ژاپۆنێ كر بۆ وان هاریكاریێن پێشكێشی هەرێما كوردستانێ كرین و هیڤییا به‌رفره‌هبوونا پەیوەندیێن د ناڤبه‌را هەردوولایان دا خواست.
هەردولا جەخت ل دیالۆگ و رێكارێن ئاشتییانە بۆ چارەسەركرنا قەیران و كێشان كر.
