په‌رله‌مانێ ئیراقێ سوبه‌هى پرۆژه‌ قانوونا بودجێ نائێخیته‌ به‌ر ده‌نگدانێ

ئەندامه‌كێ لژنا دارایی ل جڤاتا نوونەرێن ئیراقێ گۆتییه‌، ل روونشتنا سوبه‌هى دوشەمبى پرۆژە قانوونا بودجێ 2021، نائێخنه‌ به‌ر دەنگدانێ.

ماجد تەمیمی، د لێدوانه‌كا رۆژنامەڤانی دا گۆتییه‌، لژنا دارایی داخواز کرییە، دووماهى كۆمبوون ب ئارمانجا پێداچوونێ د هژمارەكا برگێن وێ  پرۆژە قانوونێ دا بكه‌ن، له‌ورا ئه‌و پرۆژە قانوونه‌ نه‌خستییه‌ ناڤا کارنامه‌یا روونشتنا سوبه‌هى یا جڤاتا نوونه‌ران.

ئه‌و ژى گۆتییه‌، روونشتنا سوبه‌هى یا جڤاتا نوونه‌ران ب تنێ دێ یا تایبەت بیت ب تەمامکرنا دەنگدانێ ل سەر قانوونا دادگه‌ها فیدرالی.

هه‌ر چه‌نده‌، پێشتر سەرۆکێ جڤاتا نوونەرێن ئیراقێ، محەمەد حەلبوسی راگەهاندبوو، كو دێ دەنگدانێ ل سەر پرۆژە قانوونا بودجەى، ئێخنه‌ ناڤ کارناما روونشتنێن سوبه‌هى دوشەمبى.