تورکیا بەردانا ئاڤا فوراتێ بۆ رۆژئاڤایێ کوردستانێ کێم دكه‌ت

رێڤه‌به‌رییا به‌نداڤان ل ئیداره‌یا خوه‌ جهییا رۆژئاڤایێ كوردستانێ راگه‌هاندییه‌، كو ئاستێ ئاڤا رووبارێ فوراتێ ب شێوه‌یه‌كێ به‌رچاڤ نزمبوویه‌.

رێڤه‌به‌رییا به‌نداڤان كێمكرنا رێژه‌یا ئاڤا به‌ردایى بۆ رۆژئاڤایێ كوردستانێ ب شه‌رێ توركیا ل دژى گه‌لێ سوریا بناڤكر.

رێڤه‌به‌رییا به‌نداڤان راگه‌هاندییه‌ ژى كو ب ئه‌گه‌رێ هاتنا وه‌رزێ هاڤینێ، كێمكرنا ئاڤا فوراتێ ل سه‌ر رۆژئاڤایێ كوردستانێ دێ بیته‌ ئه‌گه‌رێ كاره‌ساتێن چاندنێ ل ده‌ڤه‌رێ.

رووبارێ فوراتێ ل باکوورێ کوردستانێ (تورکیا) دهێته‌ ناڤ ئاخا رۆژئاڤایێ کوردستانێ و سووریا، و دگه‌هیته‌ رۆژئاڤایێ ئیراقێ و ژ وێرێ ژى دچیته‌ ناڤ كه‌نداڤێ عه‌ره‌بى.