ئه‌ڤرۆ سالڤه‌گه‌را 30 یا سه‌رهلدانا باژارێ رانیه یه كو ل 5/3/1991 سه‌رهلدانێ ل باژارێ رانیه ده‌ستپێكر و پاشان وه‌ك شۆره‌شه‌ك مه‌زن و دیرۆكی هه‌موو باژار و باژارۆكێن كوردستانێ بخوه‌ڤه‌گرتن، سه‌رهلدان ل دژی رژێما دكتاتۆری یا حكومه‌تا به‌عس بوو، مه‌سرور بارزانی، سه‌رۆكێ حكومه‌تا هه‌رێما كوردستانێ ژی ئه‌ڤرۆ د په‌یامه‌كێ د دبێژیت: سه‌رهلدان ب ئێكرێزی و ئێكده‌نگییا گه‌لێ كورد بوو.
ده‌ستپێكا سه‌رهلدانێ ژی ل مزگه‌فتا مه‌زن یا وی باژاری ده‌ستپێكر كو شۆره‌شگێران ب راسپارده‌یا سه‌رۆك مه‌سعود بارزانی، ب هه‌ردو زمانێن كوردی و ئه‌ره‌بی ب وێره‌كییانه داخواز ژ خه‌لكی كرن ده‌ركه‌ڤن سه‌ر جادده‌یان و سه‌رهلدانێ بكه‌ن و د كێمتر د ده‌مژمێره‌كێ دا هه‌موو خه‌لكێ باژاری ده‌ركه‌تن سه‌ر جادده‌یان و سه‌رهلدانێ ژ رانیه ده‌ستپێكر تا 21 یێ مه‌ها ئادارێ ل كه‌ركووكێ.
