هه‌ڤسه‌رۆكێ باژێرڤانییه‌كا هه‌ده‌پێ هاته‌ ده‌سته‌سه‌ركرن

هه‌ڤسه‌رۆكێ باژێرڤانییا كه‌ره‌چۆبان یا سه‌ر ب پارێزگه‌ها ئه‌رزه‌رۆم ل باكوورێ كوردستانێ هاته‌ ده‌سته‌سه‌ركرن.

ئه‌ڤرۆ ل باژێركێ كه‌ره‌چۆبان یێ سه‌ر ب پارێزگه‌ها ئه‌رزه‌رۆمێ ڤه‌ هه‌ڤسه‌رۆكێ باژێرڤانیێ یێ هه‌ده‌پێ خالد ئۆغۆن و شوفێرێ وى یاقووب ئۆغۆن ل سه‌ر داخازا دادوه‌رى ژلایێ ده‌زگه‌هێ ئاسایشێ ڤه‌ هاته‌ ده‌سته‌سه‌ركرن.

ئاژانسێن ده‌نگوباسان یێن توركیا به‌لاڤكرییه‌، خالد ئۆغۆن ب تۆمه‌تا وێ یه‌كێ كۆ ب نهێنى كار بۆ په‌كه‌كێ كرییه‌ هاتییه‌ ده‌سته‌سه‌ركرن لێ ئه‌و وان تۆمه‌تان ره‌ت دكه‌ت.

یاقووب ئۆغۆن كۆ شوفیرێ تایبه‌ت یێ خالد ئۆغۆنى بوو ب هه‌مان تۆمه‌ت ژلایێ ده‌زگه‌هێن ئاسایشێ یێن توركیا ڤه‌ هاته‌ ده‌سته‌سه‌ركرن و ل سه‌ر داخازا دادوه‌رى تا رۆژا دادگه‌هێ دێ ل گرتنگه‌هێ هێنه‌ راگرتن.