هێزێن پاراستنا گه‌ل هەپەگێ کوشتنا نه‌هـ سه‌دو چل و شه‌ش سەربازێن سوپایێ تورکیا و گیان ژ ده‌ستدانا دوسه‌د و بیست و حه‌فت گەریلایان د ئه‌ڤساله دا راگەهاند.
هێزێن پاراستنا گه‌ل هەپەگێ، بالێ سه‌ربازیێ پارتییا كاركه‌رێن كوردستانێ په‌كه‌كێ ئامارا چالاکیێن سەربازیێن خۆ و ئۆپەراسیۆنێن ئاسمانی و هشكاتى یێن سوپایێ تورکیا ل باکور و هه‌رێما کوردستانێ به‌لاڤكرن و راگەهاند، د ئه‌ڤساله دا نه‌هسه‌د و چل و شه‌ش سەربازێن سوپایێ تورکیا کوشتینه و به‌رامبه‌ر دوسه‌د و بیست و حه‌فت گەریلایان گیانێ خوه ژ ده‌ست دایه.
ل گۆره‌ى راگه‌هاندنه‌كا ناڤه‌ندا راگەهاندن و چاپەمەنیا هێزێن پاراستنا گەل هه‌په‌گێ، ژ ئه‌گه‌رێ هێرشێن سوپایێ تورکیا ل ناڤا هه‌رێما کوردستانێ، دو فەرماندارێن سەربازی یێن سوپایێ ئیراقێ و بیست و چار وه‌لاتیان گیانێ خو ژده‌ست دایه، ژ وانا چار زارۆك و دو ژن بوون.
هه‌په‌گێ ئاشكرا ژى كر، ژ سالا دوهزار و هه‌ڤدێ تا نها سه‌د و حه‌فتێ و سێ وه‌لاتی ل هه‌رێما کوردستانێ ژ ئه‌گه‌رێ هێرشێن سوپایێ تورکیا شه‌هید بووینه.
هەپەگە ئاماژە ب وێ یه‌كێ كر، د ئەڤسالە دا سێسه‌د و نۆت و سێ چالاکیێن سەربازی كرینه، پتریا چالاكیان ژى ل ناڤا هه‌رێما کوردستانێ بوون و سوپایێ تورکیا ژى هزار و دوسه‌د و حه‌فتێ و پێنج ئۆپەراسیۆنێن ئه‌سمانی و سه‌د و بیست هێرشێن ئه‌ردى كرینه.
