نێچیرڤان بارزانى و عه‌ممار حه‌كیم كۆمبوون

سەرۆکێ ھەرێما کوردستانێ ل ھەولێرێ پێشوازی ل سەرۆکێ رەوتا حیکمە کر.
ئەڤرۆ ئێکشەمبی، 21-2-2021 بەرێز نێچیرڤان بارزانی، سەرۆکێ ھەرێما کوردستانێ، پێشوازی ل بەرێز سەید عەمار ئەلحەکیم، سەرۆکێ باسکێ حیکمەیا نیشتمانییا ئیراقی کر.
 
د راگەھاندنەکێ دا سەرۆکاتییێ ھەرێمێ بەلاڤکریە، د دیدارا وان دا، ھەردوو جێگرێن سەرۆکێ ھەرێما کوردستانێ ئامادە ببوون، سەرۆک نێچیرڤان بارزانی، رۆلی خودێ ژێ رازی شەھید محەمەد باقر ئەلحەکیمی، د رووبرووبوونا رژێما پێشی و ھەلویستێن وی د پشتگیریا مافێن گەلێ کوردستانێ و لێک نیزیککرنا لایەن و پێکھاتێن ئیراقی و د دانانا بنەمایێن ئیراقا نوو دا، بلند نرخاندن.
 د وێ دیدارێ ‌دا دووماھی پێشھاتێن رەوشا سیاسی و ئەمنی یێن ئیراقێ، کێشێن ھەولێر ـ بەغدا و بزاڤ و گوتۆبێژ و چارەسەرکرنا وان ل سەر بنەمایێ دەستووری، پێشھاتێن بەلاڤبوونا کۆرۆنایێ و لێکەفتێن وێ ھاتنە گوتۆبێژ کرن.
 ھەردولا رژد بوون کو ھەستیارییا قووناغا نوکە یا ئیراقێ و ئەو تەحەدییاتێن رووبروو وەلاتی بووین، ئێکرێزی و تەڤایی و ھاریکاری و ھەماھەنگییا دناڤبەرا ھەموو لایەن و پێکھاتێن ئیراقی دڤێن، بۆ ھندێ داکو بشێین کێشە و قەیرانان تێپەرینین و ئەم ھەموو پێکڤە ئەرکێ خوە یێ نیشتمانی ژ پێخەمەت ئارامی و سەقامگیرییا وەلاتیدا، جێبەجێ بکەین.