بریارا مه‌زاختنا پارێ گه‌نمێ جۆتیارێن هه‌ریما كوردستانێ ژ ئالیێ حكومه‌تا به‌غدا ڤه هاته دان و ل قۆناغا ئێكێ دێ دوسه‌د و شێست ملیار دینار هێنه مه‌زاختن.
محەمەد ئەمین فارس، ئەندامێ لیژنا چاندنێ ل جڤاتا نوونه‌رێن عێراقێ بۆ خانی نیوز دیارکر، پشتی دووڤچوونەکا مه‌زن و کۆمبوون دگەل وەزیرێن چاندنێ و بازرگانیا عێراقێ و سەرۆکێ جڤاتا نوونه‌رێن عێراقێ، ئەو شیان لیژنەکا ڤەکۆلینێ پێکبینن ل دۆر گیرۆبوونا پارێ جۆتیارێن ھەرێما کوردستانێ یێن سالێن بۆری و شێست ئیمزا کۆمکرن، د دووڤ دا سەرۆکێ جڤاتا نوونه‌رێن عێراقێ پەیوەندی ب وەزیرێ بازرگانیا عێراقێ کر و وان رۆژا چوار شەمبی سەرەدانا وەزیرێ بازرگانی کر.
محەمەد ئەمین فارس گۆت ژی: بریار ھاتەدان قۆناغا ئێکێ دوسه‌د و شێست ملیار دینار پارێ گه‌نمێ جۆتیارێن ھەرێما کوردستانێ ژلایێ بەغدا ڤە بھێنە مەزاختن و وەزیرێ بازرگانی داخوازکر نڤیسارەکا دى یا فەرمی بۆ بھێتە ئاراسته‌کرن و بریارە سوبه رۆژا ئێک شەمبی کۆمببن ھەتا ھەموو پارێ جۆتیاران یێن سالێن دوهزار و چارده، دوهزار و پازده و دوهزار و شازده بھێتە مەزاختن.
خانى نیوز، قائید میرۆ، ھەولێر
