هه‌ژماره‌كا دبلۆماتكارێن رۆژئاڤا ب میدیایان راگه‌هاندییه، بۆ رێگرتنێ ل دوباره سه‌رهلدانا داعشێ، ناتۆ دی هه‌ژمارا سه‌رباز و شیره‌تكارێن خوه ل ده‌ڤه‌رێ ژ 500 سه‌ربازان بۆ نێزیكى 5000 سه‌رباز و شیره‌تكاران زێده‌كه‌ت و دێ ل جهێن جودا یێن ده‌ڤه‌رێ جێگیربن.
یانس ستۆلتنبێرگ، سكرتێرێ گشتى یێ ناتۆیێ د پرێس كۆنفرانسه‌كى دا راگه‌هاند ؛ ئه‌گه‌ر هه‌یه ئه‌و ئه‌ڤرۆ رۆژا پینجشه‌مبى ئه‌رك و به‌رنامێن خوه ل ئیراقێ به‌رفره‌هبكه‌ن و دیاركر، ئه‌و یه‌كه دێ بیته ئه‌گه‌رێ هاریكاریكرنا هێزێن ئه‌منى ل وى وه‌لاتى بۆ باشتر رووبرووبوونا گرۆپین چه‌كدار.
دیار ژى كر، داعش نه بتنێ گه‌فه ل سه‌ر ئیراقێ و سووریێ، به‌لكو ل سه‌ر وه‌لاتێن ئه‌ندام د هه‌ڤپه‌یمانییێ ژى داگه‌فه و ئه‌و پێخه‌مه‌ت هاریكارییا حكومه‌تا ئیراقێ و هێزین ئه‌منى ل ئیراقێ نه.
هێرشا مۆشه‌كى یا سه‌ر باژێرێ هه‌ولیرێ كارڤه‌دانێن مه‌زن یێن جیهانى ل دووڤ خوه ئینان و پشكه‌ك ژ وه‌لاتێن ناتۆیێ ژى ئه‌و هێرشه ب تۆندى ئیدانه‌كر.
هه‌وره‌سا ئه‌مریكا گه‌له‌ك بله‌ز به‌رسڤا وی هێرشێ دا و كۆچكا سپى یا ئه‌مریكا راگه‌هاند، وان ماف هه‌یه د ده‌مێ خوه‌دا به‌رسڤا وێ هێرشێ بده‌ن.
