رێڤه‌به‌ریا چاڤدێری و گه‌شه‌پێدانا جڤاكی: رێژه‌یا زارۆكێن خازۆكی و د ناڤ بازاران دا كاردكه‌ن ل دهۆكێ ژ هه‌موو پارێزگه‌هێن دی كێمتره.
شێرزاد حه‌مید، بۆ خانی نیوز گۆت: لژنه‌كا بلند یا پاراستنا زارۆكان ل پارێزگه‌ها دهۆكێ هاتییه پێكئینان ژ بۆ دانانا میكانیزمه‌كا ساخله‌م بۆ پاراستنا وان زارۆكێن ل سه‌ر جادده‌یان كاردكه‌ن و خازۆكیێ د ناڤا ئاڤاهی و بازاران دا دكه‌ن، ل گۆره‌ی ئه‌نجامێن دووڤچۆنێ ژی كو پێشتر لژنێ چه‌ندین كه‌س ده‌سته‌سه‌ركرینه كو زارۆك ژ بۆ خازۆكی و كاركرنێ بكاردئینان، هاتینه ره‌وانه‌كرن بۆ به‌ر یاسایێ.
ل گۆره‌ی دووڤچۆنه‌كا رێكخستنا زارۆكپارێزی یا كوردستانێ ژی كو ڤه‌كۆلینه‌ك ل سه‌ر 564 زارۆكێن باژارێ دهۆكێ كربوون، رێژه‌یا ئه‌و زارۆیێن د ژیێ نه‌یاسای دا كاردكه‌ن ل پارێزگه‌ها دهۆكێ ژ هه‌موو پارێزگه‌هێن دی یێن كوردستانێ كێمتره.
رێڤه‌به‌ریا چاڤدێری و گه‌شه‌پێدانا جڤاكی دیار ژی كر، وان پرۆ‌ژه‌ك هه‌یه ب سه‌رپه‌رشتییا لژنا بلندا پارێزگه‌هێ و ب هه‌ماهه‌نگی د گه‌ل ئه‌ندامێن د ناڤا لژنێ دا و پشته‌ڤانییا رێكخستنا ILO و رێكخستنا زارۆكپارێزی ل كوردستانێ بۆ كێمكرنا دیارده‌یا كاركرن و خازۆكیێ.
