ئەڤرۆ سێشەمبى، 16-2-2021 جڤاتا بلند یا دادوەرییا ئیراقێ، ئاشکرا کرییە، كو نەوفل حەمادی سولتان، پارێزگارێ به‌رێ یێ مووسلێ، د دوو حوکمێن جۆدا دا ب تاوانا پرۆژه‌یێن وەهمی هەشت سالان هاته زیندانكرن.
هه‌روه‌سا دیار كرییه: دادگه‌ها تاوانێن نەهێلانا گەندەلیێ ل سەرۆکاتییا دادگه‌ها تێهه‌لچوونا به‌غدا دو حوکم ده‌ربارەی نەوفل حەمادی سولتان، پارێزگارێ به‌رێ یێ مووسلێ سەبارەت ب تاوانا پرۆژێن وەهمی ل وێ پارێزگه‌هێ، دەرکرییە.
جڤاتا بلند یا دادوەرییا ئیراقێ گۆتییه ژى: دادگه‌ها تاوانێن نەهێلانا گەندەلیێ پێداچوون د هەردو داخوازیێن نەوفل حەمادی سولتان، پارێزگارێ به‌رێ یێ مووسلێ كرینه و دو حوکم ده‌رباره‌ى وى داینه، ئێك زیندانكرنا وى بۆ ده‌مێ سێ سالان، دو زیندانكرنا وى بۆ ده‌مێ پێنج سالان، ل گەل پێدانا مافى بۆ پارێزگه‌ها مووسلێ ب داخوازییا قەرەبوویێ، ل دووڤ مادێ 340 ژ قانوونا سزایێن ئیراقی.
ئه‌و ژى گۆتییه: ئه‌و تۆمەتبار ب ئه‌گه‌رێ وان پرۆژه‌یێن وەهمى هاتییه حوکم كرن.
