وەزیرێ دەرڤەیێ ئەمریکا ل دۆر ھیرشین شڤێدی ل سەر ھەولێرێ راگەھاند، ئەو گەلەک ژ ھێرشا مۆشەکی یا ل سەر ھەرێما کوردستانێ تۆرە نە.
ئانتۆنی بلینکن د بەیانەکێ دا راگەھاند، وی پەیوەندی ب مەسروور بارزانی، سەرۆکوزیرێن ھەرێما کوردستانێ کرییە و پشتەڤانییا خوە بۆ ھەموو کارەکی دوپات کرییە کو لێکۆلینێ ل دۆر وێ روودانێ بکەن و ھیرشکەران سزا بدەن.
بلینکن ئاشکرا کر، بەلیندەرەک و چەندین ئەندامێن ھەڤپەیمانییا ناڤدەولەتی و سەربازەکێ ئەمریکی بریندار بووینە.
شڤێدی سەعەت ٩ و نیڤ ھەژمارەکا مۆشەکان ب چەند جھێن نێزیک فرۆکخانەیا ھەولێرێ کەفتن، ئێک ژ وان مۆشەکان ژی ب جادا ٤٠ مەتری یا باژارێ ھەولێرێ کەفت.
