رەوشا کۆرۆنایێ ل ھەرێمێ د بن کۆنترۆلێ دا یە

سەرۆکێ لژنا ساخلەمیێ ل پەرلەمانێ کوردستانێ ئاشکراکر، ره‌وشا ساخلەمیێ و پەژیکا  کۆرۆنایێ ل ھەرێما كوردستانێ د بن کۆنترۆلێ دا یه‌.

سەباح مه‌حمود محەمەد زێباری، سەرۆکێ لژنا ساخلەمیێ ل پەرلەمانێ کوردستانێ ئەڤرۆ رۆژا دووشەمبیێ بۆ خانی نیوز گۆت: رەوشا ڤایرۆسێ کۆرۆنایێ ل ھەرێما کوردستانێ تا ئاستەکێ باش ل ژێر کۆنترۆلێ دایە و نە گەھشتیە وی ئاستی کو پێرابوونێن توند بھێنە وەرگرتن یان ژی دەرگەھێن قوتابخانان بھێنە گرتن، تنێ یا گرنگە خەلکێ مە خوە ب پارێزیت و ماسکی بکەنێ ژ به‌ركو داوی ڤەکۆلینان دیارکرینە کو بكارئینانا ماسکێ مرۆڤ ٧٠% ژ پەژیکا کۆرۆنایێ دھێتە پاراستن.

سه‌رۆكێ لژنا ساخله‌میێ خویاکر، ژڤانە ل داویا ڤێ مه‌هێ ڤاکسینێ دژی کۆرۆنایێ بگەھیتە ئیراقێ و وەزیرێ ساخلەمییا ھەرێمێ ل گەل وەزیرێ ساخلەمییا ئیراقێ ل دۆر بابەتی ل سەر خه‌تێ نه‌.

خانی نیوز، سالار محەمەد دۆسکی