سه‌رۆكێ هه‌رێما كوردستانێ ئه‌ڤرۆ پێشوازی ل هنارتییا نه‌ته‌وه‌یێن ئێكگرتی كر و د كۆمبوونێ دا دوپات كر، چاڤه‌رێنه سه‌رۆكاتییا هه‌رێمێ رۆله‌كێ به‌رچاڤتر د گۆتوبێژێن هه‌ولێر و به‌غدا دا ببینیت.
نێچیرڤان بارزانی، ئه‌ڤرۆ سپێدێ پێشوازی ل جینین بلاسخارت كر، د كۆمبوونێ دا باس ل چاره كرنا كێشه‌یێن هه‌ولێر و به‌غدا كرن، و بلاسخارتێ دوپاتی ل وێ یه‌كێ كر، كو نێچیرڤان بارزانی دكاریت و چاڤ ل وێ یه‌كێ نه رۆله‌كێ باشتر د چاره‌كرنا كێشه‌یێن هه‌رێم و ئیراقێ دا ببینیت و هه‌روه‌سا جێگیركرنا پشكا هه‌رێمێ د یاسایا بودجه‌ی دا و ئێكرێزیا ئالیێن كوردی دا هه‌بیت.
ل داویا كۆمبوونێ هه‌ردو ئالییان چاره‌كرنا كێشه‌یان ل سه‌ر بنه‌مایێن ده‌ستوورێ ئیراقێ كرن، هه‌روه‌سا ره‌وشا ئێمناهی، مه‌ترسیا سه‌رهلدانا داعشێ، ره‌وشا كۆرۆنایێ و هه‌لبژارتنێن بهێن یێن ئیراقێ و ره‌وشا ئاواره‌یان گۆتوبێژكرن.
