دەنگبێژ و دودکبێژێ ناڤدارێ دھۆکێ و دەڤەرا بەرواری بالا، پیرمۆس راڤینێ وەغەرا داویێ کر.
دەنگبیژ و دودکبیژێ ناڤدارێ دھۆکێ پیرمۆس راڤینی ئەڤرۆ سپێدێ وەغەرا داویێ کر و ل گۆرستانا شاخکێ ل دھۆکێ ھات ڤەشارتن.
پیرمۆس مستەفا پیرمۆس، ل سالا ١٩٥٢ێ ل گوندێ راڤینا ل دەڤەرا بەرواری بالا ژ دایکبوویە و ل ژیێ ١٥ سالیێ دەست ب ژەنینا دودکێ کرییە و تا سالا ١٩٨٨ێ ل کەمپا مێردینێ ل باکورێ کوردستانی دەست ب گۆتنا سترانێن کۆچک و دیوانان کرییە، پشتی سەرھلدانا پیرۆز یا سالا ١٩٩١ ڤەگەریایە سەر جھـ و وارێن خوە و دەست ب گۆتنا سترانا کۆچک و دیوانان و ژەنینا دودکێ کرییە و د ناڤ خەلکی دا ناڤدار بوویە.
پیرمۆس راڤینێ ئەندامێ سەندیکا ھونەرمەندێن کوردستانێ بوو، ئەندامێ تیپا داسنیا یا فلکلوری و ئەندامێ تیپا راڤینا بوو، ئەڤرۆ رۆژا ئەینی ١٢/٢/٢٠٢١ ل باژارێ دھۆکێ وەغەرا داویێ کر، ب ناڤێ ستافێ خانی نیوز سەرخوەشیێ ل مالبات و کەسوکار و ھونەرمەندێن دھۆکێ دکەین، ژ خودایێ مەزن دخوازین جھێ وی بەھشتا بەرین بیت.
