په‌یڤدارێ پارتى: په‌كه‌كێ‌ سوپایێ توركیا ئینایه‌ ناڤا ئاخا هه‌رێمێ

په‌یڤدارێ پارتییا دیموكراتا كوردستانێ رۆهنكره‌نه‌ك به‌لاڤكریه‌ و راگه‌هاندیه‌، كه‌جه‌كێ ب بلاڤكرنا گۆتنێن بێ بنه‌ما تۆمه‌تان دده‌ته‌ پال پارتییا دیموكراتا كوردستانێ.

مه‌حموود محه‌مه‌د په‌یڤدارێ پارتى گۆت ژى: سه‌ره‌راى ره‌تكرنا تۆمه‌تێن بێ بنه‌مایێن كه‌جه‌كێ، ئه‌و دووپات دكه‌ن كو پارتى هیچ په‌یوه‌ندییه‌ك ب گرژى و ناكۆكیێن د ناڤبه‌را توركیا و په‌كه‌كێ نینه‌، و ئه‌و په‌كه‌كه‌یه‌ سوپایێ توركیا ئینایه‌ ناڤا ئاخا هه‌رێما كوردستانێ و ئالۆزى و تێكدان ڤه‌گوهاستییه‌ ناڤ هه‌رێمێ.

په‌یڤدارێ پارتى گۆتییه‌ ژى: په‌كه‌كه‌ به‌رده‌وام د ره‌ڤینێ دایه‌ و خه‌لكى ل دووڤ خۆ رادكێشیت، د پرسیت ژى، ئه‌رێ تاوانا پارتى چییه‌؟

ناڤهاتى دووپاتكریه‌: پارتی هیچ په‌یوه‌ندییه‌ك ب ڤان شه‌رێن ناڤبه‌را توركیا و په‌كه‌كێ نینه‌ و رێك ژى ل په‌كه‌كێ نه‌گرتییه‌ كو شه‌رى بكه‌ت یان نه‌، كو شه‌ر ب وان ناهێتـه‌ كرن و هه‌ر مژوولى ره‌ڤینێیه‌، گونه‌ها پارتى چیه‌؟

ل دووماهییا په‌یاما خۆ په‌یڤدارێ پارتى گۆتییه‌: باشترین چاره‌سه‌رى بۆ ڤان ئالۆزییان ژى ئه‌وه‌ كو په‌كه‌كه‌ به‌لایا خۆ ژ هه‌رێما كوردستانێ ڤه‌كه‌ت و ئیدى نه‌بیته‌ ئه‌گه‌رێ نه‌ سه‌قامگیرى و ئالۆزیان و تێكدانا ژیانا خه‌لكێ هه‌رێمێ.