نێچیرڤان بارزانی سەرۆکێ ھەرێما کوردستانێ د پەیوەندییەکا تەلەفۆنی دا ھەڤخەمییا خۆ گەھاندە بێگەرد تالەبانی ب ھەلکەفتا وەغەرا دووماھیێ یا بابێ وێ.
ل گۆری راگەھاندنەکا سەرۆکاتییا ھەرێما کوردستانێ، ئەڤرۆ رۆژا چارشەمبی ٣-٢-٢٠٢١ نێچیرڤان بارزانی سەرۆکێ ھەرێما کوردستانێ پەیوەندییەکا تەلەفۆنی ل گەل بێگەرد تالەبانی وەزیرێ چاندنێ و ژێدەرێن ئاڤێ ئەنجامدایە و ب ھەلکەفتا وەغەرا دووماھیێ یا بابێ وێ ھەڤخەمی و سەرەخۆشیێن خۆ ئاراستەی وێ و مالبات و کەس و کارێن وێ کرینە.
وێ راگەھاندنێ گۆتییە ژی: سەرەرای دەربرینا ھەڤپشکییا خەما وان، سەرۆکێ ھەرێمێ ھیڤی خواستن خودایێ مەزن گیانێ وەغەرکری ب بەر دلۆڤانییا خۆ شاد بکەت و سەبر و ھەدارێ بدەتە ھەموویان. ژلایێ خۆڤە بێگەر تالەبانی ژی سوپاسی و پێزانیێن خۆ ئاراستەی سەرۆکێ ھەرێما کوردستانێ کرن
