ئێڤارییا ئەڤرۆ ئاگر بەربوو مووەلیدەیێن گوندێ ئەڤریکێ ل سنورێ پارێزگەھا دھۆکێ وژلایێ تیمێن بەرەڤانییا باژێری ئاگر ھاتە کۆنترلکرن.
مقەدم بێوار عەبدولعزیز پەیڤدارێ بەرەڤانییا باژێرێ دھۆکێ بۆ خانی نیۆز راگەھاند: بەری دەمەکێ کێم پەیوەندی ب وان ھاتییە کرن کو ئاگر یێ بەربوویە مووەلیدەیێن گوندێ ئەڤریکێ ھێزێن وان یێن ئاگر ڤەمراندنێ د دەمەکێ بلەزدا گەھشتنە جھێ روویدانێ و شیان ڤی ئاگری کۆنترۆل بکەن.
پەیڤدارێ بەرەڤانییا باژێرێ دھۆکێ دیارکر ژی: د ئەنجامێ ئەوی ئاگری دا ٥ مووەلیدە و ھزار و ٥۰۰ لیترێن گازوایلێ ھاتنە سۆتن و سەرجەمێ زیانێن ڤی ئاگری د ھێنە خەملاندن ب ۱۲ دەفتەرێن دۆلاری، لێ زیانێن گیانی نەبووینە.
دیارکرژی کۆ: ئەگەرێ ڤی ئاگری ئەوبوو کو گازوایل یا چوویە دبن مووەلیدەیان دا یا بوویە ئەگەرێ چێبوونا ئاگری.
خانی نیوز، سەعد عاسف
