دادگەھا مافێن مرۆڤی یا ئەورۆپا داخازا رۆنکرنێ ژ تورکیا کر پشتی بریارا ئازادکرنا ھەڤسەرۆکێ پێشتر یێ ھەدەپێ رەتکری.
دادگەھا مافێن مرۆڤی یا ئەوروپا د راگەھاندنەکێ دا دیارکر، ئەوان ڤەکۆلین ل سەروان سکالایان کرینە یێن دژی سەلاحەدین دەمیرتاشی ھاتینە تۆمارکرن و بووینە ئەگەرێ ھەلگرتنا پارێزبەندیێ ل سەر وی، لێ دیاربوویەل گۆرەی یاسایێ پێدڤی یە دەمیرتاش بھێتە ئازادکرن.
ل گۆرەی دەستورێ وی وەلاتی پێدڤییە تورکیا بریارێن دادگەھا مافێن مرۆڤی یا ئەورۆپا راستەوخۆ بجھـبینیت. لێ دەربارەی بابەتێ دەمیرتاشی بجھنەئینایە.
پارێزەرێن دەمیرتاشی پشتی داخوازییا دادگەھا مافێن مرۆڤی یا ئەورۆپا راگەھاند، تورکیا سکالایەکا دی یا روودانێن کۆبانێ وەک ھێجەت بۆ زیندانکرنا دەمیرتاشی بکارئینایە و ژ روویێ یاسایی ڤە چ بەلگە تێدا نینن.
سەلاحەدین دەمیرتاش، ھەڤسەرۆکێ پێشتر یێ ھەدەپێ زێدەتری چار سالانە د زیندانێ ڤەیە و پرۆسا دادگەھکرنا وی یا بەردەوامە، تا نھا دو جاران دادگەھا مافێن مرۆڤی یا ئەورۆپا بریارا ئازادکرنا دەمیرتاشی دەرێخستییە، لێ ئەردۆغانی ئەو بریار رەتکرییە.
