سەرکردەیەکێ سوننە مەزھەب یێ ئیراقێ راگەھاند، نەتەوەیێن ئێکگرتی دانپێدانێ ب رۆلێ کۆمارا ئیسلامییا ئیرانێ ل سەر سیاسەت و ب رێڤەبەرنا ئیراقێ دکەت.
مشعان جبووری، سەرکردێ سوننێن ئیراقێ بۆ مدیایێن ئیراقی راگەھاند، سەرەدانا چینین پلاسخارت، نوونەرا نەتەوەیێن ئێکگرتی ل ئیراقێ بۆ تەھرانێ، وێ یەکێ پشتراست دکەت کو ئیراق گۆرەپانا ململانا وەلاتێن دییە کو ژ بلی ئیرانێ وەلاتێن دی ژی بەرژەوەندی لێ ھەنە.
جبووری ئاشکرا ژی کر، پێشتر ئەوان دزانی ئیراقێ سەروەری نینە و ژ ئالیێ ئیراقییان ڤە ناھێتە برێڤەبرن، لێ سەرەدانا پلاسخارتێ بۆ تەھرانێ دانپێدانا نەتەوەیێن ئێکگرتی یە ب رۆلێ ئیرانێ ل ئیراقێ.
چینین پلاسخارت، نوونەرا نەتەوەیێن ئێکگرتی ل ئیراقێ رۆژا ئێکشەمبیا بووری سەرەدانا تەھرانێ کربوو و د گەل عەلی ئەکبەر ویلایەتی، شیرەتکارێ عەلی خامنەیی پرسا ھەلبژارتنێن ئیراقێ گۆتوبێژ کربوو.
