ئه‌ڤرۆ پەنەلەک ل دۆر گەشەپێدانا ئابوری و رێکێن ب دەست ڤە ئینانێ ل پارێزگەھا دھۆکێ ھاتە گێران، ل دەستپێکا وی پەنەلی (ماجد سەید سالح) جێگرێ پارێزگەرێ دھۆکێ پەیڤا دەستپێکڕنا پەنەلی خواند و تیشک بەردانە سەر گڕنگییا وی پەنەلی، گەشەپێدان و رێ یێن ب دەست ڤەئینانێ ژی ئەرکێ وانە کو پلانێ بۆ دارێژن و پێنگاڤان بۆ بھاڤێژین، ھەروەسا ناڤهاتى گۆت ژى: ئەو ئارمانجا ئەڤرۆ ئەو ل ڤێرێ کۆمڤە بووینە، پێنگاڤەکێ گرنگە ژ بۆ گەشەپێدانا ئابوری.
پاشی دکتۆر (محەمەد شوکری) سەرۆکێ دەستەیا وەبەرھێنانێ بەحسێ پلان و رێکێن نوو بۆ پێشخستنا ئابوری و زێدەکرنا وەبەرھێنانێ ل دھۆکێ كر و دیارکر، وان ل پارێزگەھا دھۆکێ ٢٦١ پرۆژەیێن بەرکار ھەنە کو مولەت وەرگرتینە و پترییا وان دەست ب کارێ خۆ کرینە، بۆ قۆناغا بھێت ژى ٢٧٠ پرۆژە د پلانا وان دا بۆ دھۆکێ ھەیە کو گەلەک ژوان پرۆژەیێن دەڤەرێن پیشەسازینە.
خانى نیوز، چنار ئه‌حمه‌د
