سەرۆکێ ھەرێما کوردستانێ ب ھەلکەفتا کارەساتا ئێکی شواتێ راگەھاند، بیروەرییا شەھیدێن ئێکی شواتێ ب رێزگرتن ڤە ساخ دکەن، بلا بیرەوەرییا شەھیدێن سەرکردە یێن خوینا وان تێکھەل بووی، بکەنە ھێڤێنی ئێکرێزیێ بۆ بدەستڤەئینانا ئارمانجان.
نێچیرڤان بارزانی ئەڤرۆ رۆژا ئێکشەمبی د تویتەکی دا راگەھاند، د بیرەوەرییا شەھیدێن ئێکی شواتێ دا سەرێ رێز و نەوازشێ بۆ گیانێ پاکێ وان دچەمینن و ب رێز ڤە بیرەوەرییا وان ساخ دکەن، بلا بیروەریا شەھیدێن سەرکردە ژی بکەنە ھێڤێنی ئێکریزیێ بۆ بدەستڤەئینانا ئارمانجان.
ئەڤرۆ 17 سال ب سەر کارەساتا ئێکی شواتێ دا دەباز بوون، کو ل سالا 2014ێ دو خوەکوژان د بارەگەھێن لقا دو یا پارتی و مەلبەندێ سێ یێ ئێکەتییێ ل باژارێ ھەولێرێ د ناڤ رێورەسمێن جەژنێ دا خوە پەقاند و تێدا 103ێ کەس شەھید بوون و 246 کەس ژی بریندار بوون.
