راپۆرتێن رۆژنامەڤانى ل ئینگلتەرا دیار دكه‌ن، كو سێرجیۆ رامۆسى بریارا خوه یا دووماهییێ دایه، كو رێزێن یانا ریال مەدرید بجهبهێلیت و بچیته پریمه‌رلیگێ یاریێ بكه‌ت.
هه‌روه‌سا گۆتییه، سێرجیۆ رامۆس یێ ئامادەیە ل هاڤینا بهێت، رێزێن یانا ریال مەدرید بجهبهێلیت و وى لبه‌ر نینه بچیته د ناڤا رێزێن یانا پاریس سانجێرمان یا فرەنسی دا.
ل دووماهییا ڤى وه‌رزى رامۆس یێ ئازادە ب هه‌روه بچیته هه‌ر یانه‌كا وى بڤێت، ئه‌و حه‌ز دكه‌ت بچیته خولا ئنگلیزى یاریێ بكه‌ت.
رۆژنامێن بریتانی دبێژن ژى، رامۆس یێ رازی نینە بچیتە یانا پاریس سانجێرمان، چونکى خێزانا وى نه‌ڤیت رامۆس بچیته یانا پاریسى، ل گه‌ل هندێ ژى ب تنێ هنده‌ك یانه هه‌نه دشێن پارێ وى بده‌ن.
نوكه رامۆسى رەتکرییە گرێبەسته‌كا نوو یا دو سالى ل گه‌ل ریال مەدرید ئیمزا بكه‌ت، ژێده‌ره‌كێ نێزیك ژ وی یاریكه‌رى دیار كرییه، وى دڤێت بچیته یانا مانچستەر یۆنایتد، چونکى ڤه‌گۆهاستنا وى دێ بۆ یانا مانچستەر ستی یان لیڤەرپوول یا ب زه‌حمه‌ت بیت، هه‌ر چه‌نده چ تشتێ مه‌حال د یارییا ته‌پا پێ دا نینه.
